Nga Boldnews.al
Ndërsa kryeministri Edi Rama shëtiste shqipërisë i veshur me tuta e lëshuar batuta, shfaqte një lloj qetësie pasi mundi të shuante me propagandë e arsenal FRESH-istash protestën e studentëve. Edhe pse një zjarr i vogël proteste mbahej ndezur në Falutetin e Shkencave Sociale, të Fakultetit të Drejtësisë dhe Ekonomisë, brenda radhëve të studentëve u fut larva politikë, duke sfumuar reagimin masiv të muajit dhjetor të vitit të kaluar.
Por kryeministri Edi Rama ka përballë edhe protestën e pedagogëve, një pjesë e mirë e të cilëve kanë hyrë në grevë, jo krejtësisht si pjesë mbështetëse e studentëve, por për të kërkuar lirinë akademike, që sipas tyre e humbasin nga ndërhyrjen e qeverisë dhe nga VKM-të e fundit të dhjetorit.
Pas një mbledhjeje që nisi në orët e paradites, Asambleja e Pedagogëve ka dalë pas mesdite me një vendim me 6 pika, që vijnë të gjithë në rikonfirmim të kërkesave të bëra që më herët. Ndër pikat kryesore është rrëzimi i Ligjit të Arsimit të Lartë dhe të mos preket autonomia e universiteteve.
Gjithashtu Asambleja e Pedagogëve nuk pranon të vijojë mësimin normalisht, çka nënkupton se tashmë me apo pa prezencën e studentëve, nuk po zhvillihet mësim, të paktën në tre fakultete të Universitetit të Tiranës.
Edhe këtë situatë kryeministri Edi Rama po mundohet që ta kalojë me batuta e sulme personale, por duket se inteligjenca dhe serioziteti akademik që kërkon diskutimi mbi Ligjin e Arsimit të Lartë nuk përballohet dot nga Rama dhe ministrja e re e Arsimit Besa Shahini.
Në pëmundësi për të ofruar zgjidhje dhe parashtruar ide që mund të hapin rrugën e zgjidhjes për të gjithë sistemin e arsimit të lartë, kryeministri po bën atë që di më mirë; të merret me pedagogët personalisht dhe t’i sulmujë jo për idetë apo kërkesat, por t’i denigrojë nisur nga pamja, emri, krahina apo çfarë bindjesh politike mund të kenë.
Një kryeqeveritar si Rama, që nuk ofron ide dhe ndërmerr akte, tashmë e ka të vështirë që të përçajë me babuta, apo tutat në formë çitjanesh që i vesh për çdo aktivitet serioz. I dalëboje me këtë formë (pasi gjithnjë kjo propagandë dhe prezantimi i shqipërisë virtuale dhe aspak reale), iu rrëzuan nga protestat masive të studentëve gjatë muajit dhjetor, kreu qeverisë po rikthen qëllimin e kahershëm “përça e sundo”.
Nga njëra anë ka ende si çekan mbi kokë tetë pikat e paraqitura nga studentët, ku më kryesoret janë përgjysmimi i tarifave të studimit; ambiente më të mira në konvikte dhe auditorë; vetting pedagogëve dhe rritjen me 5 % të fondeve për arsimin dhe nga ana tjetër greva e padagogëve që kërkojnë rrëzimin e Ligjit të Arsimit të Lartë dhe mos humbin autonominë universitare.
Për nga niveli intelektual, Rama e provoi veten sidomos gjatë muajit dhjetor se nuk ishte i aftë të përballonte as studentët e viteve të para, ndaj kur vjen çështja e përballjes me pedagogët, që tani ka nisur të futet në depresion të thellë, që herë pas here e shfaq me shpërthime të pakontrolluara, në fjalor, gjeste dhe gjestikulacione.
