Një tjetër grup klandestinësh, i përbërë prej 15 shtatas të huaj është kapur nga policia në pikën kufitare me Greqinë, në zonën e Devollit,
Menjëherë pas kapjes janë dërguar në ambjentet e Drejtorisë vendore të kufirit dhe migracionit në Korçë iu nënshtruan marrjes në pyetje, intervistimit dhe verifikimeve. Gjatë marrjes në pyetje ka qenë i pranishëm dhe kleriku mysliman, Myftiu i Bilishtit, që në këtë rast bën rolin e përkthyesit.
Kapja e këtij grupi shënon të parin rast të emigrantëve ilegalë që tentojnë të hyjnë në territorin shqiptar për këtë vit. Me ndërprerjen e reshjeve të dëborës, edhe pse moti nuk ka përmirësime, duket se ka rifilluar trafiku i klandestinëve nga vendet e Lindjes së Mesme drejt Shqipërisë dhe më tej për në vendet e zhvilluara të Bashkimit Europian.
