Baton Haxhiu e ka cilësuar një akull të shkrirë mes Kryeministrit dhe Presidentit darkën e një nate më parë në shtëpinë e Hashim Thaçit, ku ishte prezent edhe Edi Rama. Në darkë ishin të ftuar kryeministri i Kosovës Ramush Haradinaj, Kreu i Kuvendit Kadri Veseli, Ministri i Jashtëm Behxhet Pacolli, Zëvendëskryministri Limaj dhe Kryeministri i Shqipërisë, Rama.
Në emisionin Opinion, Haxhiu ka sqaruar se nuk ishte i pranishëm në darkë, ndërsa praninë e Ramës e cilësoi si një mendjehapje e Kryeministrit shqiptar për renditjen e problemeve, një fjalim shumë direkt i zotit Veseli e sidomos duke sqaruar marrëdhëniet e Kryeministrit dhe Presidentit dhe natyrisht një miqësi.
“Rama po tregon aftësinë e momentit për t’i lënë përplasjet publike shumë herë të panevojshme, për të bashkërenduar çfarë do ndodhë në muajt e ardhshëm”, shtoi ai.
Haxhiu gjithashtu ka folur për dy idetë që diskutohen lidhur me një marrëveshje të mundshme mes Kosovës dhe Shqipërisë që konsiston në shkëmbim territoresh.
Sipas Haxhiut, nëse do të bëhej një procces demarkimi, Kosova do të humbiste 2.2 përqind të territoreve.
Haxhiu, shpjegoi ndërkohë në hartë se me marrëveshjen e korrigjimit Kosova humb 4.4 % të territoreve.
“Njerëzit që s’e dinë çfarë është veriu, nuk e dinë që Liposaviqi ka qenë komunë e vetme deri në vitet ‘80 dhe tani aty janë krijuar 2 komuna të tjera”, tha Haxhiu.
Ai shpjegoi ndërkohë që Presheva, Bujanoci dhe Medvegja kanë qenë në tjetër sanxhak. Nëse bëhet një marrëveshje Kosova fiton 56 mijë banorë, por humb diku 370 km katrorë.
Por deklaratat e Baton Haxhiut duket se kanë irrituar komentuesit në rrjet, që nuk kanë nguruar t’i kujtojnë drejtuesit të emisionit se ai është një agjent serb.
