Moderatorja e njohur e “Digitalb” Jona Spahiu, e ftuar në emisionin “Rudina” tha se dasma e zhvilluar më 10 qershor të 2018-s në fakt ishte një shtysë, që erdhi nga shtatzënia e saj. Ajo ishte 5-muajshe kur organizoi ceremoninë e kurorëzimit të dashurisë.
“Ne kishim planifikuar të bënim një ceremoni, pavarsisht se Frenkli nuk është tip ceremonish. Dhe ceremonia ishte shtyrë gjithë kohës. Unë nga ana tjetër si çdo vajzë e dëshiroja fustanin e bardhë.” tregoi Jona.
Por në fakt arsyeja që e bëri moderatoren të vendoste për të organizuar një dasmë të mirëfilltë dhe jo vetëm një ceremoni, ishte kujtimi i të atit, i cili është ndarë nga jeta 6 vite më parë.
“Babai im ka 6 vite që është ndarë nga jeta. Kjo gjë më bëri të drenuar për të përjetuar emocione kaq të mëdha. Por duke menduar që çdo prind do të donte që të përcillte vajzën në një ceremoni të denjë, e bëra për të respektuar kujtimin e tij”, u rrëfye Jona.
