Në Kaliforni të Shteteve të Bashkuar një aeroplan është rrëzuar mbi shtëpi ditën e djeshme dhe për pasojë kanë humbur jetën disa persona.
Të vdekur mbeti piloti dhe katër persona të tjerë që ndodheshin brënda në banesë. Mësohet se dy personat e tjerë kanë mbetur të plagosur dhe kanë pësuar djegje të rënda.
Dëshmitarët kanë thënë se avioni me dy motorë u shpërbë në ajër përpara se të rrëzohej në periferi të Los Angelos dhe të përplasej në një shtëpi 2-katëshe.
Mbetjet e aeroplanit të vogël janë shpërndarë nëpër rrugë, ndërsa 72 zjarrfikës u angazhuan për të shuar flakët.
