Me afrimin e zgjedhjeve të 30 qershorit, emrat e lakuar për kandidim apo rikandidim janë kthyer në quiz. Edhe pse nuk ka ende asnjë listë zyrtare për kandidimet që do të propozojnë partitë politike, ligji si gjithnjë nuk funksion për asnjë prej tyre.
Sipas një ligji të miratuar në vitin 2014, neni 59 lidhur me rikandidimin e krerëve të bashkive, këta të fundit kanë të drejtë të kandidojnë dhe të drejtojnë për vetëm 3 mandate rradhazi duke hequr kështu çdo mundësi për të qenë sërish në drejtim të qytetit.
Por, për dy partitë më të mëdha në vend, ky ligj zbatohet vetëm sipas ‘nevojës ekonomike dhe pushtetit’ të çdo kryetari. Partia Socialiste numëron 4 kryetarë bashkie që kanë mbajtur postin për më shumë se sa 3 mandate, ndërsa Partia Demokratike vetëm 2.
Më poshtë gjeni edhe emrat e krerëve të bashkive që e kanë shkelur krejtësisht ligjin duke thyer edhe rekorde.
Gezim Topciu është kreu i Bashkisë Maliq, i cili mban vendin e parë sa i përket viteve që ka në drejtim të bashkisë së këtij qyteti në logon e Partisë Socialiste.
Qazim Sejdini, është gjtihashtu një ndër emrat më të lakuar të listës, i cili edhe pse ka deklaruar se nuk do të rikandidojë për postin e kreut të bashkisë, është thuajse i paharrueshëm falë edhe akuzave që janë drejtuar karshi tij për lidhjet me bandat e qytetit dhe aferat korruptive.
Një tjetër emër i njohur për jetëgjatësinë në krye të bashkisë është edhe Vangjush Dako. Ky i fundit edhe pse me 3 mandate, ka shprehur dëshirën për rikandidim dhe është ne pritje të aprovimit nga kryetari i partisë.
Adriatik Zotkaj, është nje tjetër emër i PS-së, i cili edhe pse hetohet për fshehjen e 1 mln eurove pasuri drejton qytetin e Policanit në mandatin e tij të 3.
Ndërsa sa i përket kampit blu, dy ndër emrat më jetëgjatë në krye të bashkive janë Xhelal Mziu dhe Fiqiri Ismaili. Të dy janë aktualisht duke drejtuar në mandatin e 3 rradhazi pasi edhe bashkitë që ato drejtojnë njihen ndryshe edhe si bastione të Partisë Demokratike.
/Boldnews.al/
