“Nuk kemi asnjë konfirmim të gripit të derrit”, u shpreh shefja e reanimacionit të spitalit të Sanatoriumit, duke iu referuar pacientit i cili humbi jetën këtë të diel. Raportimet mediatike folën për dyshime se 48-vjeçari nga Elbasani vdiq nga grupi i derrit, por ajo nuk dha një konfirmim.
Vdes 48-vjeçari në Senatorium, dyshohet i prekur nga gripi i derrit
Shefja e reanimacionit të spitalit “Shefqet Ndroqi” shtoi se ka 8 persona që janë aktualisht të shtruar në reanimacionin e Sanatoriumit, megjithatë për asnjë prej tyre nuk ka një konfirmim se janë të prekur nga virusi H1N1 (gripi i derrit).
Duke folur për ndarjen nga jeta të 48-vjeçarit nga Elbasani, mjekja tha se ai “vuante dhe nga patologji kronike, ishte duhanpirës, alkoolist, gjë që pavarësisht trajtimit intensiv të dhënë në reanimacion, nuk mundi të mbijetonte dhe ndërroi jetë”.
“Për sa i përket gripit në çdo vit presim raste të tilla të grupit”, shtoi mjekja, megjithatë një apel e bëri edhe për qytetarët:
“Janë elementit të griprave sezonave të cilët në pacientë, sidomos në pacientë që vuajnë nga problematika kronike, diabetike, me probleme kronike të mushkrive, të veshkave të heparit. Moshat e treta janë më të ndjeshëm dhe jo rezistentë ndaj këtyre virozave ndaj dhe përfitoj nga rasti të ftoj sensibilizimin ndaj qytetarëve, sidomos këta njerëz duhet të asistojnë nga vaksinat, të bëjnë vaksinimin paraprak. Për qytetarët që janë të shëndetshëm dhe që nuk dominohen nga simptoma të tjera, nëse kanë simptoma të gripit për dy-tre ditë, duhet të jenë në kontakt me mjekët e familjes, me mjekët specialistë, për të evituar komplikacionet e tilla”. /Boldnews.al/
https://streamable.com/3ixvg
