Banorë të zonës së “Unazës së Re” në kryeqyyqt kanë dalë pasditen e sotme në protestë. Banorët e “Unazës”, që sot vijojnë ditën e 92 të qëndresës, kundërshtojnë projektin për rikonstruktimin e rrugës nga sheshi “Shqiponja” te mbikalimi pranë pallatit me Shigjeta.
“Po ti turp nuk ke, o njeri i papërgjeshëm”, ishte një nga mesazhet e shqtuara nga megafoni i protestës, lidhur me reagimin e fundit të kreut të qeferisë lidhur me këtë çësthje.
Një apel u bë edhe për policinë. “Komisariati 6 po fillon me arrogancën e dikurshme. Kujdes me banorët e unazës! Shefat e rilindjes që duan të bëjnë karriere do ta kenë shpejt vendin në burg dhe s’mund të frikësojnë banorët e Unazës së Re”, u shpreh një prej protestuesve.
Kryebashkiakut të Tiranës iu kërkua të riktheje ndriçimin në zonë.
Protestuesit kërkuan edhe përgjegjësi ligjore lidhur me tenderin e një prej lotëve të këtij aksi, që u anulua, pasi në media u zbulua se kjo firmë e kishte fituar tenderin pas falsifikimit të disa dokumenteve.
Balliu: Rama si sulltan Mehmeti
Deputeti demokrat Klevis Balliu ishte në protestë, për të mbështetur kauzën e banorëve.
Balliu bëri thirrje që qytetarët të bashkohen në protestën e 16 shkurtit të thirrur nga opozita për të rrëzuar Ramën nga drejtimi i qeverisë.
“Nuk ka zgjidhje politike me banditë“, u shpreh ligjvënësi demokrat, “s’mund të lejojë populli i Kastriotit të shkelet nga Rama, që është më keq se sulltan Mehmeti, se është shqiptar dhe i ka tradhtuar shqiptarët”.
/Boldnews.al/
https://www.facebook.com/partiademokratike/videos/2355464014687134/
