Sipas njoftimit të bërë nga Policia e Fierit, shtetasi me origjinë nga Kuçova, Nikollaq Lici, 62 vjeç është ndaluar për veprën e vjedhjes.
Sipas burimeve mësohet se shtetasi kryente vjedhjet e portofolave të pacientëve në Urgjencën e Spitalit Rajonal në Fier. Personi i dyshuar është kapur pas një pune hetimore 1 mujore, pasi u bë i mundur identifikimi dhe arrestimi i autorit.
Arrestimi i këtij shtetasi u bë pasi në Urgjencën e Spitalit Rajonal Fier, ky shtetas dyshohet se në kohë të ndryshme ka kryer disa vjedhje, ku nga puna hetimore e deritanishme është bërë e mundur dokumentimi i tre prej tyre, konkretisht vjedhja e portofolit të shtetasit G.T., I.D, dhe A.Gj.
Vijon puna për dokumentimin e rasteve të tjera të vjedhjes të kryera nga ky shtetas. Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhja”.