Protestat e opozitës nisin nga Burreli.
Burime pranë Partisë Demokratike bëjnë me dije se sot në orën 11, në kryqëzimin pranë Urës së Matit, nis protesta e parë e opozitës. Protestë kjo që do vijohet me të tjera në rrethe e më tej, në 16 shkurt, është parashikuar të mbahet protesta e madhe në kryeqytet, para kryeministrisë.
Po sot, kreu i PD-së Lulzim Basha, përmes një shënimi në rrjetet sociale ku poston imazhe nga takimi i djeshëm në Durrës, bën thirrje për bashkim në protestën e 16 shkurtit.
“Me qytetarët në #Durres: Një përgjim i vetëm i bërë publik nga @zeriamerikes tregon se në katër qarqe, Tiranë, Lezhë, Dibër dhe Durrës, Rama ka trafikuar në Kuvend jo deputetë të zgjedhur nga vota e mbështetësve të PS, por kukulla të krimit. #bashkohemi #16shkurt”, shkruan Basha.
Me qytetarët në #Durres: Një përgjim i vetëm i bërë publik nga @zeriamerikes tregon se në katër qarqe, Tiranë, Lezhë, Dibër dhe Durrës, Rama ka trafikuar në Kuvend jo deputetë të zgjedhur nga vota e mbështetësve të PS, por kukulla të krimit. #bashkohemi #16shkurt pic.twitter.com/pM0GJtl2ys
— Lulzim Basha (@lulzimbasha_al) February 2, 2019
/Boldnews.al/
