Skandalet seksuale në Shtetet e Bashkuara të Amerikës kanë goditur gjithnjë e më shumë pushtetin politik dhe fetar. Duke mbetur tek ky i fundit, pikërisht në Kishën Katolike më të madhe në Teksas, janë shpallur emrat e 300 priftërinjëve të akuzuar për abuzim seksual me fëmijët.
Ky veprim ishte edhe hapi i fundit i Kishës Katolike në këtë shtet, si pasojë e një valë të zbulimesh dhe skandalesh pasi u përballe me një sërë hetimesh federale dhe shtetërore kundër sjelljeve abuzive që ishin vënë re në këtë kishë.
Emrat u postuan në internet nga të gjitha 15 dioqezat e shtetit dhe pasuan botimin e një raporti bombë në gushtin e vitit që lamë pas, mbi abuzimin seksual të klerikëve nga Prokurori i Përgjithshëm i Pensilvanisë që ka nxitur hetimet e kishës në më shumë se një duzinë shtetesh të tjera.
Nga ana tjetër Kardinali Daniel DiNardo, Kryepeshkopi i Galveston-Houston dhe presidenti i Konferencës së Shteteve të Bashkuara të Peshkopëve Katolik, tha në një deklaratë të enjten se publikimi i emrave të të akuzuarëve ishte gjëja e drejtë për të bërë.
Në Teksas ka rreth 8,5 milionë katolikë sipas Konferencës Katolike të Peshkopëve në Teksas, duke e bërë atë një nga shtetet më të rënda katolike në vend. /Boldnews.al/