Dëfrim Kurti duket se ka vendosur të fshijë nga jeta e tij bashkëshorten Elida Cani, e cila, sipas hetimeve, u bë mollë sherri për vrasjen në Bastar të Tiranës.
Pak ditë pasi Gjykata e Tiranës vendosi që të linte në arrest shtëpie Elida Canin dhe bashkëshortin e saj Dëfrim Kurti, ky i fundit i ka kërkuar policisë që ti dërgonin në banesa të ndryshme.
29-vjeçari i ka argumentuar gjykatës se për shkak të zbulimit të tradhtisë bashkëshortore ai kërkonte që Elida arrestin e shtëpisë ta kryente tek banesa e prindërve të saj.
Pak daljes nga qelia, ai ka fshirë të gjitha postimet ku ndodhej Elida në profilin e përbashkët të Facebook-ut, duke zhdukur të gjitha fotot prej të paktën dy vitesh që ata së bashku kishin bërë dhe postuar në rrjetin social.
Arben Gjeçi 34 vjeç u vra me sende të forta në fshatin “Bastar i mesëm”, nga Esat Cani vëllai i 20-vjeçares Elida Cani, e cila edhe pse e martuar me Dëfrim Kurtin kishte një marrëdhënie të fshehtë intime me viktimën.
Për ngjarjen vijon të mbetet në burg Esat Cani i cili ka pranuar krimin e kryer.
