Vjeshta e 2013-ës ishte një moment historik për Shqipërinë dhe shqiptarët pasi e gjithë shoqëria u bë protagoniste e një vendimi që ka garantuar vazhdimësinë dhe jetëgjatësinë e tokës tonë, si vend i jetueshëm edhe për brezat e ardhshëm. Edi Rama kishte firmosur fshehur ardhjen në Shqipëri të lëndëve kimike nga Siria, ndër to lëndë të rrezikshme të shfarosjes në masë.
Në kulmin e zërit të fortë të rezistencës qytetare, njerëz të thjeshtë, Shoqëri Civile dhe studentë e të rinj të panumërt, deputeti socialist, Erion Braçe i cili sot u emërua nga Edi Rama si zv/kryeministër, bëri një deklaratë lapidare kur tha se me një lëndë kimike të quajtur “sarinë” mund të laheshin duart dhe nuk do kishte asnjë problem fizik. Në fakt, Braçe dezinformoi në mënyrë të turpshme, sepse “sarina” klasifikohet te lëndët e rrezikshme vdekjeprurëse.
Debati i Erjon Braçes me studentin në 2013:
Erjon Braçe: Me sarinë mund të lani duart, pastrohet me sapun dhe nuk bën dëm
-Braçe: Kush të ka thënë që është armë?
-Studenti: Media
-Braçe: E para të ka gënjyer, çfarë është arma? Shpërthen apo nuk shpërthen?
-Studenti: Shpërthen
-Braçe: Atëherë kush do ta shpërthejë, unë dhe ti…
–Studenti: Po vendet e tjera pse nuk duan këtë armë?
–Braçe: Ku e di ti?
–Studenti: Kemi parë të gjitha hartat, studimet, nuk i lënë të kalojnë as në ujërat territoriale.
-Braçe: Kë studim mor kë studim?
-Studenti: Unë s’po flas kot, kemi parë gjithë ato lajme
-Braçe: Kë studim, më thuaj kë studim?
–Studenti: Po nuk ka rëndësi
-Braçe: A e kuptoni që po ju gënjejnë mor, po ju gënjejnë…A e di çfarë është sarina?
-Studenti: Po e di gaz është…
-Braçe: Po nuk është gaz mo, është lëng, e di si të vret? Vetëm me shpërthim. Mund ta marrësh ta prekësh në dorë dhe s’të bën asgjë. Ti lash duart me sapun dhe s’të bën asgjë. Çfarë dëgjoni mo?
-Studenti: Pse nuk e duan vendet e tjera, vetëm një gjë më thuaj pse nuk e duan?
-Braçe: Cilat vende mo, cilat vende?
-Studenti: Finlanda
-Braçe: E di ti ku bie Finlanda mo. Nga do ti bjeri mo për të shkuar në Finlandë. E di ti ku është Siria.
