Arben Ahmetaj largohet pas 5 vjetësh në post qeveritar në kabinetin e Edi Ramës. Nga asambleja kombëtare e Partisë Socialiste, kryeministri Edi Rama njoftoi largimin e tij nga detyra e Ministrit të Financave.
Gjithashtu, kryeministri njoftoi largimin e ministrit të Infrastrukturës, Damian Gjiknuri. Rama e vlerësoi maksimalisht Gjiknurin, njeriun që është përfshirë në disa prej skandaleve më të mëdha në vitet e qeverisjes së tij.
Ditmir Bushati, ministri i Jashtëm, shumë shpejt do të shoh veten të papunë. Emri i tij u përfshi në listën e kryeministrit për t’u larguar nga posti në kabinetin qeveritar.
ent Cakaj është një nga prurjet e shumta pas strategjisë së Edi Ramës për të afruar në qeverinë e tij, edhe emra të spikatur të shqiptarëve të Kosovës.
Në Korrik të vitit 2018 ai u caktua Kryenegociator i çeljes së negociatave të Shqipërisë me Bashkimin Evropian për anëtarësim.
Cakaj fillimisht ka qenë këshilltar i kryeministrit për politikën e Jashtme dhe posaçërisht, për çështjet e Bashkimit Europian.
Më pas në kabinetin ‘Rama 2’ u emërua në postin e zv.ministrit të Punëve të Jashtme.
Ndërsa sot ai është zgjedhur të drejtojë, një nga ministritë më të rëndësishme në qeverinë ‘Rama 3’, duke zëvendësuar Ditmir Bushatin.
