Protesta e studentëve nuk ka ndalur edhe në ditë festash. Prej ditësh, duke qenë se shumica e studentëve janë larguar nëpër shtëpitë e tyre në rrethe, në mënyrë simbolike protesta bëhet dy orë në ditë nga ora 10 der në 12 të drekës.
Sot ata kanë pasur një mesazh shumë domethënës për Ramën, ku i kanë lënë aty një palë pantollona, një gotë me stëmën e Juventusit dhe Kushtetutën e Republikës së Shqipërisë.
“Kjo është dhurata që i kemi bërë sot zotit kryeministër, mesazhi është që të veshi pantollonat të bëhet serioz të bëhet burrë, sepse një politikan bëhet burrë shteti kur fillon të mendojë për brezin e ardhshëm dhe jo për zgjedhjet e ardhshme. Të lëxojë kushtetutën, të plotësojë kërkesat tona, të shfuqizoji ligjin e arsimit të lartë ose të zhduket”, u shpreh Ervisa Shehu.
