Mançester Junajtid duket se ka bërë kthesën pas largimit të Murinjos që u shkarkua këtë javë. Nën drejtimin e trajnerit të ri, Solskjaer, “Djajtë e Kuq” e kanë nisur me këmbën e mbarë duke marrë një fitore në transfertë 5 me 1 kundër Kardif.
Nuk mund të rrinte kurrsesi pa komentuar edhe Pogba, i cili ka “thumbuar” Murinjon pas fitores së marrë këtë fundjavë. “Uau, çfarë ndeshje. Na duhej kjo fitore dhe jam shumë i lumtur që ja dolëm të gjithë së bashku. Dua të falënderoj Murinjon që më ka rritur si futbollist, por edhe si njeri. Kemi fituar trofe me atë si trajner dhe i jam shumë mirënjohës për çfarë ka bërë.”- ka thënë Pogba.
Mesfushori kampion botë më Francën, kishte kohë që nuk dilte në një konferencë. Edhe pse përgjigjet ishin shumë serioze dhe diplomatike nga ana e tij, ato kanë lënë hije dyshimi të gazetarët e pranishëm.