Dorian Protoduari, banori i Unazës së Re, i cili u arrestua pas protestës para parlamentit të këtyre banorëve kundër prishjes së banesave të tyre, ka lënë sot qelinë. Protoduari u arrestua nga policia në Spitalin e Traumës ku ndodhej pas protestës e ëma e tij.
Trupi gjykues në Apel vendosi të lehtësojë masën nga “arrest me burg” në “detyrim paraqitje”. Në gjykatë kanë qenë edhe deputetët Klevis Balliu dhe Enkelejd Alibeaj, të cilët i dhanë lajmin e mirë bashkëshortes së Protoduarit.
Po ashtu këtë seancë e kanë ndjekur nga afër dhe banorë të Unazës së re, të cilët kanë qenë jashtë Gjykatës.
