Një student i është përgjigjur “flakë për flakë” analistit Lorenc Vangjeli, duke i thënë se harrojeni se do të krijoni influencë tek studentët pasi protesta studentore nuk është kauza juaj.
Duke iu përgjigjur studentit, Vangjeli u shpreh se jeni në kurth, por ju duhet të futeni në dialog me kryeministrin.
Sipas tij, vendi ka nevojë për një rishikim të politikave të arsimit në vend, pasi ka një numër të lartë studentësh në universitete dhe një numër shumë të pakët në shkollat profesionale.
Ndërsa një student tjetër u shpreh se nëse studentët e ’90-tës gabuan duke u takuar me Ramiz Alinë, kjo nuk do të thotë se duhet të gabojmë edhe ne.
Në debat është futur edhe një pedagoge e pranishme në panel, e cila iu drejtua analistit, duket i thënë: Lorenc të lutëm bëhu me studentët dhe lëri lajkat.
