Nga Boldnews.al
Kryebashkiaku i Tiranës pasi u nis për në Tokio, udhëzoi stafin të mos dërgonin kaseta të gatshme në ndonjë inagurim, mbjellje shkurresh, apo vizime rrugësh në televizionet e kontrollouara prej tij. Lali, që nuk lë ditë pa dalë në media, këtë herë kërkon të luajë në shahun politik, duke ia lënë protagonizmin studentëve të revoltuar.
Njerëzit e tij kanë nisur prej ditësh të nxisin studentët për të mos u shkëputur nga protesta, me shpresën se revolta do jetë fundi i kryeministrit Edi Rama. Kjo është e vetmja mënyrë që njohësi i mirë i skutave e “skuthllëqeve”, të shfaqet në publik si njeriu i vetëm që mund ta ndryshojë këtë vend.
Por ai nuk ka si të mund të qëndrojë në pritje për këtë moment sulmi. Burime pranë kryebashkiakut, konfirmojnë se Erion Veliaj po shpreson që edhe me shtytjen e grupi të tij protesta studentore të kapë pikën e vlimit dhe të shkojnë nga plotësimi i tetë kërkesave në pikën kryesore në largimin e Edi Ramës.
Situata me kryeministrin duket si një betejë në ring, ku kreun e qeverisë e kanë vënë në cepin e tij dhe po e “grushtojnë” aq shuma sa është gati në të rënë, por goditjen e fundit shpreson t’ia japë vetë Lali Eri. Me ndihmën e senatorëve të PS-së, të përfaqësuar nga Fatmir Xhafaj, Veliaj po bëhet gati të marrë partinë, e më pas e ka fort të lehtë të ëndërrojë postin e kryeministrit.
Po përse nuk është shfaqur deri më tani ky kryabashkiak që nuk lë vend pa futur hundët edhe aty ku nuk ka asnjë lidhje puna e tij? A ka ndonjë vend në botë që në kryeqytet të zhvillohet një nga protesta e mëdha dhe domethënëse nga studentët dhe kryebashkiaku të mos thotë një fjalë? Erion i padëmshëm dhe ai çunaku llafazan i “G99”, sot është kthyer në një lojtar të fortë, që për nga morali politik nga ku vjen forca që militon, por edhe si individ, nuk e ka problem të “vrasë politikisht” kryetarin.
Në këtë situatë të krijuar Lali Eri harron që studentët janë shumë herë më të zgjuar se “loja partiake” që po zhvillohet në Rilindjen e kerijuar nga dyshja Rama-Veliaj. Studentët e dinë mirë se dy nga tetë kërkesat drejtuar kryeministrit, janë kompetencë e bashkisë Tiranë. Studentët kërkojnë të pajisen me kartën e studentit (një nismë që duhet të plotësohet patjetër me kontributin e bashkisë). Gjithashtu edhe përmirësimi i kushteve në konvikte kërkohet dora e bashkisë, pasi është përgjegjëse për ambientet e jashtme, në krijimin e infrastrukturës së duhur për studentët dhe në menaxhimin e territorit të përbashkëta.