Një skandal tjetër, është raportuar në redaksinë e “PAMFLETI”, nga burime brenda Ministrisë së Financave, lidhur me një pagesë “speciale e sekrete”, bërë me urdhër të kryeministrit Edi Rama, për të minimizuar, demoralizuar e ç’vlerësuar, protestën masive e të fuqishme të studentëve.
Sipas informacionit, ditën e mërkurë, Këshilli i Ministrave, nëpërmjet një financimi me objekt “Shpenzime operative nga fondi emergjencave”, i ka akorduar 10 milionë lekë të reja Drejtorisë së Shërbimeve Qeveritare, firmosur për ekzekutim “urgjent”, nga Sekretari i Përgjithshëm i Kryeminsitrisë, Engjëll (Angelo) Agaçi.
Kjo pagesë qeveritare, ka kaluar në llogarinë e nje Federate Sportive, OJF propaganduese e aktiviteteve partiake të FRESH e LRI, detyra e të cilës, është të monitorojë ditën dhe natën nga ajri, protestën studentore, sipas “instruktazhit” që i ka dhënë kryeministri dhe “ustallarët” e filmimeve nga ajri.
Sipas pazarit, grupi i xhirimit me “Dron”, duhet ta paraqesë protestën sa më të vogël, duke bërë filmime video e fotografi “speciale” nga ajri, vetëm në momentet e para, kur nis grumbullimi i studentëve para Ministrisë së Arsimit e Kryeministrisë.
Po kështu, duhet të filmojë, të fiksojë, momentet kur mbyllet protesta e mbeten sa më pak studentë, por dhe në mëngjes herët para Kryeministrisë, ku është grupi përfaqësues simbolik, i studentëve që kalojnë natën aty, ende pa u mbushur bulevardi.
Këto pamje, kryeministri i shpërndan nëpërmjet medieve të tij, por protesta e 10 ditëve në tokë, nuk shuhet me 10 milionë lekë filmime nga ajri, mbasi në këtë marshim protestë, të vendosur e jetike përballë qeverisë “Rama”, janë gjithë studentët dhe nxenësit e Shqipërisë, të mbështetur nga qytetarët e profesione të tjera, që po vuajnë inkuizicionin social-ekonomik të pushtet-oligarkëve të “rilindjes”./Pamfleti/
