300 mjekë specializantë peticion me tre kërkesa Ramës: Përshkallëzim të masave nëse nuk i plotëson

Pas studentëve, të cilët i kanë paraqitur tetë kërkesa qeverisë, janë specializantët e Fakultetit të Shëndetësisë ata të cilët kanë hartuar një peticion drejtuar kryeministrit Edi Rama dhe Ministres së Shëndetësisë, Ogerta Manastirliu.

Në peticionin në fjalë, i cili është firmosur nga 300 specializantë të cilët do të jenë së shpejt mjekë, ngrihet si shqetësim kontrata e studimeve të specializimeve.

“Ne kemi shprehur disa herë shqetësimin në kushtet në të cilat nënshkruhen këto kontrata nga specializantët, ku përmendim si më të rëndësishme mungesën e alternativave dhe penalitetin e vendosur në kontratë nëse nuk pranojmë të punojmë në rrethet ku caktohemi nga Ministria”, thuhet ndër të tjerash në peticionin e hartuar.

LEXO EDHE  Vala e dytë e Covid/ Spanja nis bllokimet, Greqia në panik, në Francë situata rrezikon të dalë nga kontrolli! Ja gjendja në Europë

Specializantët të cilët kanë firmosur peticionin shprehen se në rast mos plotësimi të kërkesave janë të vendosur, pavarësisht penaliteteve kontraktore, me përshkallëzim të masave deri në plotësimin e të gjithave kërkesave, në mënyrë të plotë./Politiko.al



PËRGJIGJU

Please enter your comment!
Please enter your name here