Kujtohet 8 dhjetori, Berisha: Studentët e ’90, heronj të pamposhtur

TIRANË – Demokratët kanë kujtuar sot 8 dhjetorin e 1990, 18 vite më pas në Ditën e Rinisë me një ceremoni të mbajtur në Qytetin Studenti, aty ku u krijua dhe Lëvizja Studentore që i dha fund diktaturës komuniste.

Ish-kryeministri Sali Berisha në fjalën e mbajtur në këtë aktivitet risolli në kujtesë emocionet e atyre ditëve, ndërsa i quajti studentët e 90-ës heronj të pamposhtur.

Në Qytet Studenti për të kujtuar dhe nderuar 8 Dhjetorin 90', ditën kur rinia i dha grushtin diktaturës komuniste dhe i hapi rrugën Lirisë dhe Demokracisë

Gepostet von Lulzim Basha am Samstag, 8. Dezember 2018

“Ditë si kjo janë ditë kujtimesh mbresash në të vërtetë për mua këto janë ditët e shtrëngatave emocionale të fuqishme, për ato përjetime të 28 viteve më parë. Janë ditët e gjenezës në 28 vite kemi pasur ditë të mëdha, të bekuara edhe të vështira, por ditët e dhjetorit 90 janë ditët e gjenezës në këto tre dekada të kombit shqiptar. Për mua janë ditët ku unë përjetova mrekullinë më të madhe të jetës sime sepse, ato ditë unë do të kisha përballë, një grup studentësh 500 por edhe 1000 që në rrugën afër rrugës Elbasanit ishin pozicionuar përball autoblindave tankeve, të gjitha llojeve të armëve. Ishin të vetmuar, 15-16 qytetarë ishin afër tyre, por ishin të pamposhtur ishin heronj. Asnjë nuk thotë se unë isha hero, por vërtetë ato ishin heronj të vërtetë të Kombit shqiptar. Ishin heronj të pamposhtur”, deklaroi Berisha.

Në aktivitet është shfaqur dhe një dokumentar për dhjetorin ‘90.

PËRGJIGJU

Please enter your comment!
Please enter your name here