Ministrja e Arsimit Lindita Nikolla, ka dalë në një konferencë për mediat pas protestave të studentëve të cilët prej orësh janë mbledhur para institucionit duke rrethuar dikasterin që ajo drejton.
Nikolla ka thënë se tarifat i vendosin universitet dhe jo Ministria që ajo drejton.
“Ka ardhur koha që të gjithë të mësojnë të vërtetën për tarifat në universitete nga 2009. Në 2009 tarifa ishte 12 mijë, në 2014 shkoi në 14 mijë. Tarifa maksimale ishte 30 mijë shkoi 45 mijë. Nga 2013-17, kemi rritje vetëm në 2014. Rritja e tarifës ka prekur shkencat e natyrës dhe gjuhët e huaja. Me propozimin e drejtuesve të universiteteve, kërkesa ka qenë për rritje edhe më të madhe për të mushur gropën nga mbyllja e par time. Rritja ka qenë vetëm 5570 lekë në vit. Përgjigja ime për përgjysmim tarifash është njohja dhe respekti me ligjin. Vendimmarrja për tarifat është e universiteteve”.
Studentë të universiteteve publike kërkojnë heqjen e tarifës prej 670 lekë për kredit për çdo provim të mbartur.
Protestat shpërthyen edhe në Elbasan duke bojkotuar mësimin, ndërsa priten që të shtrihen në të gjithë vendin.
