Situata me banorët në Shkozë ka qene e tensionuar gjatë orëve të mbrëmjes. Mësohet se një familje është shoqëruar në polici, pas rezistencës, pikërisht familja e Franc Strolajt.
Janë dhjetra familje që do të nxirren në rrugë me projektin e Unazës së madhe që do të kalojë në Shkozë.
IKMT ka prishur një godinë të pabanuar, dhe tani radha i ka ardhur banesave të banuara, ku shumë prej qytetarëve kanë dalë që në orët e parea të mëngjesit për t’u përballur me forcat e policisë që janë të shumta në numër.
Njësoj si banorët në zonën e Astirit dhe qytetarët në Shkozë shprehen se ata nuk janë kundër projektit, por se ata nuk janë njoftuar nga Bashkia dhe presin të arrijnë në një marrëveshje.