Banorët e zonës së Astirit, tashmë prej 28 ditësh po vijojnë protestën në mbrojtje të banesave të tyre, të cilat do të shemben ne kuadër të zbatimit të projektit për ndërtimin e Unazës së Re.
Banorët kërkojnë që të dëmshpërblehen 100% në vlerën e tregut për pronat e tyre, ndërkohë që kërkojnë dhe anullimin e projektit.
Në mbështetje të banorëve janë dhe deputetë të opozitës, si dhe përfaqësues nga shoqëria civile.
Deputeti i LSI-së Endrit Braimllari, në një intervistë për Fax News nga protesta u shpreh se banorët janë në të drejtën e tyre legjitime në këtë protestë. Braimllari theksoi se opozita do të jetë në mbështetje të banorëve dhe se është I bindur se ato do të fitojnë këtë betejë.
“E kemi thënë që banorët janë në të drejtën e tyre legjitime. Është terrori i Edi Ramës për këto banorë. Këto banorë janë të vendsur për të shkuar deri në fund, sepse po mbrojnë pronën e tyre. Nuk mund të arrestosh një protestues që proteston për të drejtën e tij. Edi Rama duhet të distanacohet nga ky terror. Edi Rama është shkaktari kryesor i varfërimit të vendit. Sot ai ka ardhur te prona e qyetarëve, ai po dhunon pronën e qyetarëve të pastrojë paratë e pista të drogës. ne e vlerësojmë protestën e tyre si legjitime. Sot shqiptarët po protestojnë për të drejtën themelore të tyre.Ne jemi të vendosur për të qenë në mbështetje të kësaj proteste. Nuk kam dyshim që këto banorë do të fitojnë, pasi janë në të drejtën e tyre.” u shpreh Braimllari.
