Në “Google Play Store” janë zbuluar tetë aplikacione që kanë mashtruar një sërë reklamuesish duke u zhvatur para.
Problem i ri i sigurisë brenda Google Play Store, dyqanit digjital ku mund të shkarkoni aplikacione Android. Këtë herë një ekip i hulumtuesve të sigurisë kibernetike ka zbuluar deri në 8 aplikacione keqdashëse. Shkurtimisht, audienca e përdoruesve potencialisht të prekur, është shumë e madhe.
Nën akuzën janë tetë aplikacione të dy shtëpive software kineze: Cheetah Mobile dhe Kika Tech. Ndryshe nga ajo që ndodhi në të kaluarën, aplikacionet nuk u krijuan për të vjedhur të dhënat personale dhe informacionin e përdoruesve, por për të shfrytëzuar aftësitë informatike të pajisjeve në të cilat ishin instaluar.
Më konkretisht, aplikacionet u konsideruan të rrezikshme, sepse ato ishin përdorur për të inxhiniuar një mashtrim kundër disa reklamuesve në mbarë botën dhe u lejonte zhvilluesve të fitonin disa milionë dollarë ilegalisht.
8 aplikacionet janë: Clean Master, Security Master, 3D CM Launcher, Battery Doctor, Cheetah Keyboard, CM Locker, CM File Manager dhe Kika Keyboard. Të gjitha kanë disa mijëra shkarkime, aq sa për të kaluar mbi një milion instalime në total.
Mashtrimi nuk ka ndikim të madh te përdoruesit, por te reklamuesit.
Aplikacionet kanë shfrytëzuar faktin që kompanitë kanë paguar një shtesë sa herë që një nga aplikacionet ku reklamonin bizneset, shkarkohej nga një përdorues.
Zhvilluesit kinezë kanë studiuar një sistem të paligjshëm të përdorur nga krijuesit e aplikacioneve për të gjeneruar klikime të rreme dhe për të bërë që reklamuesit të besojnë se përdoruesit kanë parë reklamat e tyre. Në të vërtetë, reklamat nuk janë parë nga përdoruesit e vërtetë, por vetëm nga një sistem automatik mashtrimi i krijuar nga Cheetah Mobile dhe Kika Tech.
Problemi megjithatë, qoftë edhe i vogël, gjithashtu ndikon të përdoruesit që kanë shkarkuar një ose më shumë nga këto 8 aplikacione.
Në fakt, për të bërë që sistemi mashtrues të funksionojë si duhet për reklamuesit, aplikacionet, madje edhe njëherë të instaluara, vazhdonin të funksionojnë, edhe nëse janë të bllokuara në sfond.
Dhe kjo sjell një konsumim të baterisë të smartphone-ve Android.
Tani për tani, të dy, Cheetah Mobile dhe Kika Tech, kanë hedhur poshtë akuzat, por Google po heton incidentin për të kuptuar nëse duhet ose jo për të fshirë 8 aplikimet nën hetim dhe për të ndëshkuar dy zhvilluesit kinezë.