I pyetur në emisionin “Zona e Debatit” e Baton Haxhiut se cili është qëndrimi i tij për idenë e korrigjimit të kufijve mes Kosovës dhe Serbisë, Edi Rama është përgjigjur disi më qartë se herët e tjera.
Ai ka thënë se ai do të qe kundër kësaj ideje nëse Kosova mbetej peng i Serbisë: “Korigjim për çfare? Edhe sikur serbët t’a njohin edhe sikur t’a çojnë (pranojnë) në OKB jam kundër. Nëse edhe pas kësaj mbeten kufizimet kushtetuese dhe kuotat (për minoritetet) në parlament jam kundër”, ka thënë Rama. Por –ka shtuar ai- Nëse kjo bëhet në kuadër të një bashkimi brenda një integrimi në BE kjo nuk është më një temë tabu”.
