Biznesmeni i ndërtimit Agron Alushaj është transportuar me urgjencë drejt spitalit të Traumës në Tiranë për një mjekim më të specializuar.
Transportimi i tij është bërë rreth orës 04:00 të mëngjesit të sotëm (24 nëntor) ndërsa gjëndja e tij shëndetësore mbetet kritike për jetën.
Makina në të cilën udhëtonte 48 vjeçari u hodh në erë nga një sasi e konsiderueshme eksplozivi rreth orës 16:35 të pasdites së të premtes, 23 nëntor 2018, në rrugën Transballkanike.
Sipërmarrësi 48 vjeçar, pronar guroresh dhe biznesmen me aktivitet ndërtimi në Vlorë, i cili ndodhej brenda makinës të tipit ‘Benz’ me targa AA703 NG, ka dëmtime të mëdha në të dyja këmbët.
Shpërthimi i fortë ndodhi në momentin kur automjeti po dilte nga një lavazh, ndërkohë që 48-vjeçari ishte në drejtimin e makinës.
Policia ka shoqëruar të gjithë punonjësit e lavazhit dhe ka sekuestruar kamerat e sigurisë, ndërsa në ndihmë të hetuesve të Vlorës janë nisur edhe ekspertë nga Tirana.
Ende ska autor
Policia ka nisur hetimet lidhur me shpërthimin, ndërsa paraprakisht njoftohet se biznesmeni nuk ka precedent penal.
Për shkak të gjendjes së rëndë në të cilën ndodhet 48-vjeçari, ende nuk është marrë në pyetje nga policia në lidhje me këtë rast.
Dyshimet paraprake janë se bëhet fjalë për një bombë të aktivizuar me telekomandë.
48-vjeçari është vëllai i ish-drejtores së Hipotekës së Vlorës, Loreta Alushaj Tozaj.