Ministri i Turizmit dhe Mjedisit, Blendi Klosi, në një postim në faqen e Facebook ka prezantuar fotografitë e një specia në zhdukje, ato të gjelit të egër në Parkun Kombëtar të Tomorit. Fotografinë e ka shpoqëruar edhe me “heroizmin” e tij që kishte arritur “të shpëtonte” këtë specie në zhdukje në malin e Tomorit.
Por ish-banori i “Big Brother”, Algen Nikolla ka nxjerr zbuluar ministrin Klosi. Nikolla ka publikuar një fotografi të një faqen online ruse, ku duket që është e njëjta foto me atë të postuar në statusin e Ministrit të Turizmit dhe Mjedisit, Blendi Klosi.
“Fotoja te Blendi Klosi që shpëtoi Gjelin e Egër. Fotoja e Ëild Siberia e sitit rus. Fotoja ka dalë në 2016 në Kamçatka. Të njëjtët i paska kap Blendi në Park të Tomorit. Ngelët tu na kopju rusët…”, ironizon ish-banori i Big Brother.
Më herët në statusin e publikuar nga ministri Klosi, postim i cili nuk gjendet më në faqen e tij të Facebook, thuhej se kjo specia e rrallë e faunës u shpëtua fale moratoriumit të gjuetisë.
“Pasi rrezikoi zhdukjen, një nga speciet e rralla të faunës së egër, është vrojtuar sërish nga ekspertët në Parkun Kombëtar të Tomorit. Gjeli i egër, i shtuar së fundmi falë qetësisë nga moratoriumi i gjuetisë, është tashmë pjesë e një projekti europian, të zbatuar nga zonat e mbrojtura”, thekson Klosi.
Statusi i fshirë i Blendi Klosit
Pasi rrezikoi zhdukjen, një nga speciet e rralla të faunës së egër, është vrojtuar sërish nga ekspertët në Parkun Kombëtar të Tomorit. Gjeli i egër, i shtuar së fundmi falë qetësisë nga moratoriumi i gjuetisë, është tashmë pjesë e një projekti europian, të zbatuar nga zonat e mbrojtura.
Me një program dy vjeçar në fshatrat, Tomor, Dardhë dhe Kapinov të Beratit, zonë e njohur ndryshe si “shtëpia” natyrore e kësaj specieje që për shkak të rrezikut është përfshirë në listën e kuqe.
20 ha do të pyllëzohen me një vlerë 20 mijë euro, për të përmirësuar habitatin në favor të shtimit të këtij kësaj specieje. Do të riaktivizohet një rrugë e vjetër që të çon në mes të pyllit dhe do të ngrihet një strukturë e thjeshtë druri për të vrojtuar këtë shpend e peizazhin përreth.
Përveç një mjedisi më të mirë, banorët do të kenë mundësi të ofrojnë shërbime guide, akomodim dhe ushqimet karakteristike bio, për të gjithë të apasionuarit e kundrimit të zogjve dhe të ngjitjes në Malin e Tomorit”.
