Një ish-kapiten për stolin e Kombëtares shqiptare. Nuk është thjesht një hipotezë, por një nga mesfushorët brilant të kuqezinjve në vitet 1990-2001, Bledar Kola, është kontaktuar së fundmi nga drejtuesit e FSHF-së dhe mund të jetë ai pasardhësi i Christian Panuccit.
Edhe pse ky i fundit vazhdon të jetë në pankinën kuqezi, pritet që pas miqësores me Uellsin të ulet me presidentin Armand Duka për të negociuar prishjen e marrëveshjes.
Sipas “Panorama Sport”, Bledar Kola ka biseduar javën e kaluar me përfaqësuesit më të lartë të FSHF, duke marrë një propozim konkret për t’u ulur në stolin kuqezi.
Aktualisht ish-mesfushori i kuqezinjve mban postin e zv/trajnerit te klubi grek i AEK-ut.
