Bieta Sulo, fytyra më e re e pasditeve të shqiptarëve ishtë këtë herë e ftuar në emisionin ‘Thumb’ të Aulonës dhe Fatmës.
Ajo foli për shumë detaje nga jeta dhe karriera. Pashmangshëm, ajo do pyetej edhe për konkurencën, Rudina Magjistari.
Prezantuesja e ‘Ftesë në 5’ që garon direkt në format dhe orar me Rudina Magjistarin pati një përgjigjje tejet të kujdesshme për rivalen.
Bieta, e ‘qëndisi’ përgjigjjen në atë mënyrë që të tregohet e kujdesshme por duke mos i lënë anash disa kunja.
Ajo, suksesin e Rudinës pasditeve ia atriboi dy faktorëve; ndërrimit të shpeshtë të autorëve dhe prezantueseve të formatit të njejtë në Top dhe mungesës së përballjes së drejtpërdrejtë (dikur, Pasditja e Topit niste kur mbaronte ajo e Klanit).
‘Rudina nuk e ka ngrënë bukën kot gjithë këto vite. Unë them që ajo nuk e ka ngrënë bukën kot por edhe nga televizoni, hapësira është lënë bosh. Mendoj që të dyja këto tani do duhet të rregullohen’ – u shpreh Bieta me një të qeshur të lehtë.
Tutje, prezantuesja tha se përcjell ndjekësit e audiencës por nuk u lëshua në rezultatet e para në këto dy muaj transmetim.
Një sondazh i pak ditëve më parë në Prive.al, nxori Rudinën fituese në përballje me moderatoren simpatike. Nga 1000 votues, 67% zgjodhën pasditen e Klanit teksa pjesa tjetër atë të Topit.
