Ish-kryeministri i Maqedonisë, Nikolla Gruevski kishte boshatisur llogarinë e tij prej kohësh.
Lajmi bëhet i ditur nga media maqedonase “Nezavise”, e cila shkruan se ish-kryeministri kishte tërhequr të gjitha paratë nga llogaria e tij bankare, në muajin shtator dhe në kohën që doli për një konferencë për shtyp, ku edhe akuzoi qeverinë aktuale se ishte viktimë e persekutimit politik.
Prokuroria Speciale Publike konfirmoi se nuk ka mundësi që të ngrijë llogaritë bankare të Gruevskit për shkak se aktualisht nuk ka para dhe pronë në emër të tij, ndërsa llogaritë e tij bankare janë zero.
