Kolegji i Apelimit pranon ankimimin e Komisionerit Publik për gjyqtarin Islamaj

Kolegji i Posaçëm i Apelimit pranon kërkesën për ankimi të Komisionerit Publik, Florjan Ballhysa, ndaj gjyqtarit Edmond Islamaj.

Në seancën e sotme, komisioneri Ballhysa deklaroi se u qëndron deklaratave për gjyqtarin Islamaj.

Ballhysa: Të shprehet trupa gjykuese nëse jemi në kushtet për çeljen e hetimin gjyqësor.

Ndërkohë trupa gjykuese pyeti Islamaj: Jeni shprehur se keni një listë për udhëtimet jashtë shtetit. Ku është kjo listë?

Gjyqtari Edmond Islamaj: Ju kërkoj ndjesë se e kam harruar dhe mund ta gjej e ta dorëzoj. Unë i kam paraqitur provat si akte që i shërbejnë procesit. Mendoj që Komisioneri duhet të shprehet nëse e bindin ose jo provat, pastaj gjykimi të vendosë. Kolegji i Apelimit nuk ka karakterin e KPK dhe s’mund të mbledhë prova të reja. Kërkesa e Komisionerit Publik është e pabazuar në ligj.

Seanca e rradhës do të mbahet me 11 dhjetor  ora 09:30.

Çfarë pretendon Komisioneri Publik

Komisioneri Publik ka ankimuar me heret në Kolegjin e Posaçëm të Apelimit vendimin për Edmond Islamaj, anëtar i Gjykatës së Lartë.

Gjyqtari i Gjykatës së Lartë, Edmond Islamaj, u konfirmua në detyrë nga Komisioni i Pavarur i Kualifikimit.

Vendimi u dha nga trupa gjykuese e përbërë nga Suela Zhegu, Pamela Qirko, Genta Tafa (Bungo).

Sipas hetimit të zhvilluar nga KPK, rezultoi që Edmond Islamaj të ishte i pastër në tre kriteret e përcaktuara nga ligji, pasuria, figura dhe aftësimi profesional.

LEXO EDHE  Policia drejt Teatrit Kombëtar për rrethimin e godinës…

“Në vlerësimin e Komisionerit Publik, në rastin konkret, hetimi i Komisionit të Pavarur të Kualifikimit nuk është i plotë. Për rrjedhojë, faktet dhe provat e administruara në përfundim të këtij hetimi administrativ janë të pamjaftueshme për të mbështetur vendimin e Komisionit të Pavarur të Kualifikimit për konfirmimin në detyrë të subjektit të rivlerësimit”, thuhet në njoftimin e  Komisionerit Publik .

Pasuria e Edmond Islamaj

“Nga hetimi ka rezultuar se Islamaj ka apartament banimi me sipërfaqe 81.57 m2 në Durrës, tokë arë 1000 m2 në Karpen, Kavajë, e blerë në vitin 2015. Zyrtari ka llogari bankare që prej vitit 2000, fillimisht me vlerë 5 mijë euro, llogari bankare të krijuar në vitin 2016 me gjendje 20 mijë euro”, ka thënë relatorja e KPK, në seancëm dëgjimore.

Gjyqtari ka një autoveturë të vitit 2008, të blerë 3 mijë euro. Nga hetimet ka rezultuar se si gjyqtari Islamaj edhe bashkëjetuesja e tij kanë bërë deklarime ndër vite.

“Një depozitë me shumën 12 mijë dollarë është hapur në 2006. Në pronësi të bashkëjetueses janë edhe dy garsoniere, ato janë në pronësi të pritshme. Pronat e bashkëjetueses janë përfituar nga pasuria e babait të saj. Vlerësimi profesional u bë në bazë të 5 dosjeve dhe 6 denoncimeve nga qytetarët. KPK ka konstatuar cilësi të pranueshme në punë”, ka thënë relatorja Genta Bungo.