Pas ngjarjes së rëndë në Shkodër ku si pasojë e një atentati në lagjen ‘Rus’ mbeti i vdekur Fatos Ferracaku dhe u plagos Fatmir Mehaj, FNSH ka ndërhyrë në Kiras duke vendosur postblloqenë disa pika me qëllim kapjen e autorëve.
Dobraçi dhe Kiras janë dy lagjet të cilat kontrollohen përkatësisht nga Bajrat (Dobraçi) dhe Licët (Kirasi). Ende nuk ka detaje mbi motivet e kësaj ngjarjeje të rëndë, por dyshohet se edhe ky atentat është në vazhdën e shumë të tjerëve gjatë këtij viti që kanë trazuar qytetin e Shkodrës duke shkaktuar dhe shumë viktima.
Njoftimi i policisë për ngjarjen:
Sot rreth orës 11:15 në lagjen “Partizani” në vendin e quajtur ‘Merkata Rus’, dyshohet se dy persona me motoçikletë kanë qelluar me armë zjarri në drejtim të shtetasit F.V. 31 vjeç, i cili ka ndërruar jetë në Spitalin Rajonal Shkodër.
Nga të shtënat është plagosur dhe shtetasi F.M., i cili ndodhet jashtë rreziku për jetën nën kujdesin e mjekëve.
Në vendngjarje ndodhet grupi hetimor dhe po punon për sqarimin e rrethanave të ngjarjes.
Policia e Shkodrës e mbështetur nga FNSH Shkodër ka ngritur pika kontrolli dhe në gjithë zonën ku dyshohet se janë larguar autorët.
Policia ka gjetur dhe një mjet motoçikletë të djegur, që dyshohet se u përdor nga autorët, në lagjen ‘Guerrile”.
Po punohet intensivisht për identifikimin dhe kapjen e autorëve.
