Kryetari i bashkisë Erion Veliaj, i përgjigjet banorëve të Astirit, shtëpitë dhe bizneset e të cilëve u prishen për shkak se ndodhen në gjurmët e projektit të Unazës së Madhe. Me një deklaratë të prerë, ai ka shuar shpresën e banorëve për të pasur një shtëpi.
“Sot në Tiranë vetëm 1 hot spot është. Nga fabrika e miellit deri tek Shqiponja une kam qenë në fushatë. Njerëzit thonë: kur të zhbllokohet rrethrrotullimi tek Shqiponja, atëherë do marrë frymë Tirana. E kemi gjetur Tiranën me 21 hotspote, u bë dhe trafiku mullar. Sot ka ngelur vetëm 1, vetëm një. Po çfarë, do mbetemi në ‘epokën e gurit’? pse, se disa njerëz që kanë zaptuar aty nuk pranojnë kompensimin që po u japim? S’ka shans! Shanset janë zero që kjo betejë të ndalet. Kur ka zhvillime ka disa njerëz që gjenden në situatë të vështirë. Për të gjithë njerëzit që janë prekur do të kenë trajtim edhe më të mirë. Kemi ofruar tre vite qiranë, për ata që nuk kanë asnjë letër që kanë zaptuar tokën e dikujt tjetër në gjurmën e unazës”, tha Veliaj.
“Sot dëgjova njerëz që unë e di shumë mirë ku e ka shtëpinë, ai Gjyzi nuk e ka fare shtëpinë aty, bën cirk se një kryetar partie po i afrohet disfatave, Luli është një kalama i llastuar pse me atë do merremi ne”, tha kryebashkiaku.
“Kush është me letra pronë do i marri letrat kokërr më kokërr, kush ka bërë lavazh i ra qylit 28 vjet tani do bëhet rruga. Kush ka bërë karabina 8 kate dhe të ketë letra, do ia japim. Ca është pa letra prapë, 99% e qytetarëve do u japim bonusin e qirasë, pse cdo njeri që erdhi në tiranë kapi një tokë? Jo mo, si gjithë të tjerët”, shtoi.
Sot Bashkia do të votojë vendimin që banorët që preken do i japin 3 vite qerane.
Banorët shtëpitë e të cilëve janë të legalizuara dhe preken nga projekti i Unazës së Madhe, janë shprehur se dëmshpërblimet janë qesharake, shumë herë më të ulëta se vlera e tregut. Ndërsa qytetarë të tjerë janë shprehur se ishte një premtim elektoral i kryeministrit Edi Rama që banesat e tyre do legalizoheshin.
Pra nëse u shemben banesat, të parët, humbin miliona nga dëmshpërblimi i qeverisë, ndërsa të dytët dalin të ‘rrugë të madhe’, të gënjyer nga premtimet elektorale.
