Veriu i vendit është lëkundur mesditën e sotme nga një tërmet i fortë.
Lëkundjet janë ndierë në Shkodër, Malësi të Madhe dhe në Pukë.
Nga të dhënat e para nuk raportohet për të lënduar dhe as për dëme materiale, por lëkundjet kanë krijuar frikë te qytetarët.
Sipas të dhënave të para të qendrës Europiane të Sizmiologjisë, epiqendra e tërmetit me magnitudë 5 ka qenë në Mal të Zi. Por, lëkundjet janë ndjerë edhe në Shqipëri e Maqedoni.
Epiqendra e tërmetit që goditi në orën 14:47 e zgjati disa sekonda, rezulton 23 km në jug-perëndim të Shkodrës, 5 km në verilindje të Ulqinit dhe 55 km në jug të Podgoricës.
