Aktori i njohur i humorit shkodran Besnik Çinari tani e ka kaluar rrezikun për jetën, pasi disa ditë më parë pati një ndërhyrje në zemër, pas një ataku kardiak.
Ai u shtrua në Qendrën Spitalore Universitare Nënë Tereza, ndërsa tashmë e ka lënë spitalin, edhe pse pas një farë kohe do i duhet të bëjë në ndërhyrje të dytë në zëmër. Lajmin e ka ndarë me ndjekësit e tij gazetari Agron Isufi, i cili i ka qëndruar pranë Mjeshtrit të Madh gjithë këto ditë.
Aktori ka bërë dhe falenderimet ndaj atyre që e mbështetën dhe e ndihmuan në këto ditë të vështira për të, fjalë që aktori i madh i ka tejçuar përmes gazetarit.
Ja çfarë thotë gazetari në emër të aktorit:
“Në emër dhe porosi të veçantë nga mjeshtri madh i humorit BESNIK ÇINARI,ju falenderon të gjithëve miq e shokët e dashamirës e mi anembanë botës, për shërimin tim sa më parë”.
Por një falenderim të veçantë e ka edhe për mjekun që i ka shpëtuar jetën i cili për koiçidencë, është me origjinë nga Shkodra.
“Dhe për doktor EQEREM HASANIN më tha shkruaj Agron…Lumit ne shkodranët për këtë njeri që e kemi doktor në Tiranë”.
