Hetimi për atentatin në Durrës ku u vra Edison Harizaj është shtrirë në tre qytete, Tiranë, Durrës dhe Vlorë. Edison Harizaj, dyshohet se është i përfshirë në vrasjen e gjyqtarit Skerdilaid Konomit të cilit iu vendos tritol në automjet dhe u hodh në erë në qendër të Vlorës, por këto akuza nuk u vërtetuan.
Ai dyshohet se ka lidhje edhe në rrëmbimin e pak muajve më parë të Albano Xhaferrit në Vlorë. Ndërkohë policia po punon në dy pista hetimi, atë të një hakmarrje të mundshme dhe larjes së hesapeve për shkak të të shkuarës kriminale të viktimës.
10 të shoqëruar
Të paktën 10 persona janë shoqëruar nga policia e Durrësit pas vrasjes së mikut të Emiljano Shullazit, Edison Harizaj 39 vjeç si dhe plagosjes së mikut të tij Geci Caci, 33 vjeç. Automjeti tip ‘Audi’ në të cilën udhëtonin Edison Harizaj dhe Genci Caci, shënjestër të atentatit në qytetin e Durrësit, është qëlluar me breshëri kallashnikovi. Ngjarja u regjistrua mbrëmë në zonën e plazhit, në rrugën e njohur si ‘Rruga e Çamëve’, në qytetin bregdetar.
Edison Harizaj bashkë më shokun e tij, Genci Caci ishin duke udhëtuar në drejtimin Tiranë-Kavajë. Nisur nga të dhënat, në vendin e ngjarjes në rrugën e Shkozetit, në një kthesë viktimës dhe të plagosurit i është prerë rruga nga dy makina, njëra prej të cilave i ka bllokuar rrugën, ndërsa nga tjetra është hapur zjarr duke qëlluar më breshëri kallashnikovi.
Mësohet se makina drejtohej nga 33-vjecari Caci, ndërsa viktima, Edison Harizaj udhëtonte si pasagjer në sedijen e parë. Pas ngjarjes autorët janë larguar me shpejtësi, ndërsa një makinë pa targa tip ‘Benz’ e cila dyshohet se i përket autorëve është gjetur e djegur në Shën Vlash. Policia po këqyr kamerat e sigurisë së disa hoteleve për të parë lëvizjet e autorëve.
Viktima Edison Harizaj nuk është një emër i panjohur për policinë. Ai dyshohet se ka kryer një sërë krimesh, përfshi dhe ekzekutimin e gjyqtarit Skerdilajd Konomi si dhe akuzohet edhe për rrëmbimin dhe zhdukjen e Albano Xhaferrit disa muaj më parë në qytetin e Vlorës.
DENONCO