Ministri i Brendshëm, ende në detyrë, Fatmir Xhafaj ka zhvilluar konferencën e fundit për mediat në Ministrinë e Brendshme. Xhafaj rendit arritjet e këtij dikasteri nën drejtimin e tij, duke e vënë theksin te luftra kundër kanabisit, por sulmon edhe paaradhësin, Saimir Tahirin, kur thotë se narkotrika ishte kthyer në normalitet.
“27 mars të vitit të kaluar njoftuam një luftë pa kompromis kundër këtij fenomeni kriminal, u kujtoj kritikëve tanë dhe skeptikëve të ndryshëmn, veçanërisht atyre që e kanë harruar ose që me qëllim bëjnë sikur e kanë harruar për të minimizuiar suksesin e arritur se kanabisi kishte shërbyer ndër vite si burimi kryesor i ngritjes dhe fuqizimit financiar të krimit të organizuar në këtë vend dhe gati po shihej si normalitet i jetës sonë dhe si një pamundësi e shtetit dhe shoqërisë ta fitonin betejën me të.
Nuk ka qenë sfidë e thjeshtë lufta kundër tij, por kemi pasur gjithë vullnetin dhe aftësinë organizuese ti jepnim fund njëherë e mirë një ptej fenomeneve më kriminale dhe e theksoj pa asnjë mbështetje shtesë në burime njerëzore, logjistike dhe financiare.Kemi përmbyllur operacionin e madh të antikanabisit të këtij viti. Po pres me padurim të shoh rezultatet e certifikuara nga partnerët tanë ndërkombëtarë që asistojnë dhe monitorojnë këtë operacion të cilat do të ridëshmojnë sesi një histori turpi dhe dështimi me vite të tëra më në fund së bashku e kthyem në një histori suksesi. Është fakt i pranuar dhe certifikuar prej partnerëve tanë ndërkombëtarë, Shqipëria nuk është më në hartën e vendeve europiane ku kultivimi i kanabisit është një fenomen.
Së dyti, menaxhimi më i mirë i kufijve me objektiv frenimin e azilkërkimit dhe emigracionit ilegal. Në korrik të vitit të kaluar para marrjes së detyrës time si Ministër vendi ishte nën presionin e shprehur të kthimit të regjimit të vizave për shkak të rritjes së jashtëzakonshme të numrit të azilkërkuesve në Francë, Holandë, Belgjikë etj. Me një punë të mirëorganizuar mundëm që brenda 12 muajve ti kthejmë shifrat e azilkërkimit nga një histori dështimi në një histori suksesi”, tha Xhafaj, ministër i Brendshëm në detyrë.
