14 vjeç e 10 muaj, Fernando Ovelar nuk është në gjendje as të ketë një patentë makine, të pijë alkool apo të votojë, por ai mundet të luajë futboll profesionist për Cero Portenon në Paraguai.
Këtë të dielë, ai u bë lojtari më i ri që shënon në derbin e madh ndaj Olimpias. Ovelar, i cili dëbutimin në elitën e futbollit paraguaian e bëri javën e kaluar, tregoi paraqitjen e një personi të paktën dyfish në moshën e tij, teksa mori një top të bukur dhe i vetëm me portierinm e kaloi atë, një goditje “alla Mesi”, dhe çoi ekipin në avantazh pas 16 minutave lojë.
Ky gol i dha mundësi djaloshit paraguaian të thyente rekordin e mbajtur më parë nga Serxhio Diaz, në moshën 17 vjeç, 1 muaj e 28 ditë. Ovelar u zëvendësua në minutën e 59-të, ndërsa takimi përfundoi në shifrat e barabarta 2-2.
