Hakerët pretendojnë se kanë të dhënat e 120 milionë llogarive, të cilat kanë planifikuar t’i shesin nga 10 cent për llogari. Ata kanë publikuar mesazhet private të të paktën 81 mijë llogarive të Facebook.
Facebook u shpreh se siguria e tyre nuk është kompromentuar dhe të dhënat mund të jenë marrë përmes hakimeve të personave në fjalë.
Hakimi mund të jetë realizuar në muajin shtator, kur një anëtar i një forumi në internet shprehej: “Shesim informacionet personale të 120 milionë llogarive të Facebook.”
Firma e sigurisë kibernetike Digital Shadow ekzaminoi pretendimin e hakerëve dhe konfirmoi se 81 mijë profilet e publikuara si provë në të vërtetë përmbanin informacione private, si adresa e-mail-i dhe numra telefoni.
