Gjermania duhet ti tregojë azilkërkuesve se nuk ka “tolerancë” për sulmet seksuale. Kështu është shprehur komisionerja e intergimit, ndërsa bërri thirrje për edukimin sekual të refugjatëve.
Thirrja vjen pasi një rasti të përdhunimit në grup në Freiburg.
“Të gjithë azilkërkuesit duhet të bëjnë kurse për mënyrën e jetesës në Gjermani menjëherë pas mbërritjes në vend,”-tha Annette Widmann-Mauz.
Sipas saj, kurset duhet të përfshijnë veçanërisht “edukimin gjithëpërfshirës seksual’ për të bërë të qartë se “nuk ka tolerancë për abuzimin seksual dhe krime të tjera të dhunshme” në Gjermani.
Si pjesë e kurseve, burra emigrantë që kanë jetuar gjatë në Gjermani, duhet t’i bëjnë të qartë të sapoardhurve se si është situata me seksualitetin dhe barazinë mes burrave dhe grave në vend.
Widmann-Mauz shpjegoi se çështje të tilla duhet të diskutohen në gjuhën amtare të azilkërkuesve nëse është e nevojshme.
Komentet e saj vijnë pas përdhunimit nga një grup emigrantësh të një 18-vjeçareje në qytetin gjerman të Freiburgut. Përdhunimi u krye nga shtatë refugjatë sirianë dhe një shtetas gjerman.
I dyshuari kryesor ishte një shkelës i përsëritur i ligjit, që konsiderohej rrezik për shoqërinë dhe ndaj tij ishte lëshuar një urdhër arresti.
