Një situatë komplet ironike ka ndodhur me kryetarin e bashkisë se Vlorës Dritan Leli, gjatë një dëgjese publike në fshatin Dukat.
Teksa ka qenë duke folur për investimet që janë bërë në atë zone për të zgjidhur problemin e furnizimit të energjisë elektirike, është shkëputur energjia elektrike në sallë.
Kryebashkiaku i Vlorës dukej mjaft entuziast teksa rreshtonte investimet që janë kryer, madje dhe në kohën kur salla ishte në errësirë të plotë ai nuk ndalet së foluri për premtimet që janë realizuar dhe që do të zbatohen.
“Investimet që janë duke u bërë në territorin e bashkisë së Vlorës nën kujdesin e ministrisë së Energjitikës për të zgjidhur përfundimisht problemin e furnizimit me energjinë elektirike janë apsolutisht më të mëdhatë që kanë ndodhur në këtë territor për 25 vitet e fundit.”- u shpreh Leli , teksa shtoi se ka ende mjaft probleme në këtë sektor.
Raportohet se Dukati, Orikumi zonat më të prekura nga mungesa e energjise elektrike.
Në dëgjesën publike ishin të pranishëm punonjës të bashkisë Vlorë si dhe të njësisë administrative Orikum.
