U luajt në “Selman Stërmasi” sfida më e rëndësishme e javës së 10-të të Kategorisë Superiore mes Partizanit dhe Skënderbeut.
Skënderbeu arriti një fitore mjaft me vlera, duke marrë tri pikët ndaj rivalit direkt.
Fitorja e pastër 2-0 e ngjit skuadrën e drejtuar nga Orges Shehi në krye të renditjes, duke parakaluar pikërisht të kuqtë.
Pjesa e parë, me gjithë rastet e krijuara, ka përfunduar në barazim pa gola.
Muzaka futet në pjesën e dytë dhe kalon në avantazh Skënderbeun në minutën e 64-t.
Kur Partizani u hodh në sulm për të gjetur golin e barazimit, ishin korçarët që në minutën e pestë shtesë vulosin fitoren me golin e shënuar nga Bregu.
