“Isha përtokë, nuk mora shënjestër para se të qëlloja, por nëse nuk do kisha shtënë, ndoshta do kisha mbetur i vdekur”.
Nis kështu rrëfimi i biznesmenit italian Mario C., i cili u përplas me makinë dhe thuajse u vra, mëngjesin e së premtes, nga disa hajdutë, të cilët po merrnin një kamion të kompanisë së tij në zonën e Cazerta.
Mario tha në polici se dëgjoi disa zhurma që vinin nga parkingu dhe shkoi të kontrollonte, pasi kishte marrë pushkën me vete, të cilën e kishte me leje dhe e përdorte për gjueti.
Ai mbërriti i plagosur në spitalin ‘Pineta Grande’, paraditen e së premtes, thuajse në të njëjtën kohë me një shqiptar 33-vjeçar, i cili u la para spitalit i plagosur me armë zjarri në kraharor, nga disa persona që u larguan.
Shqiptari, sipas hetuesve, është një nga hajdutët që po kryenin grabitjen në kompani dhe që u plagos nga biznesmeni, dhe aktualisht ndodhet në reanimacionin e spitalit.
Megjithatë prokuroria po heton për të zbuluar rrethanat e ngjarjes, ku ekspertiza balistike, do të provojë çfarë ka ndodhur.
Nga ana e tij biznesmeni italian po hetohet për tentativë vrasje, teksa shqiptari për grabitje.
