Reperi i njohur, Stresi, i cili u arrestua dy javë më parë nga policia, u gjet me një vajzë tjetër e cila nuk ishte Keisi. Reperi u kap në Linzë me një sasi të konsiderueshme koakine, armësh dhe fishekësh.
20-vjeçarja që u gjet me Stresin në dhomën e hotelit po hetohet në gjendje të lirë nga policia.
Sa i përket kësaj të fundit, ka folur së fundmi babai i reperit, Sali Lushaj. Sipas tij, çdo gjë është e inskenuar dhe se bëhet fjalë për një komplot si në kohën e Enver Hoxhës.
Zoti Lushaj u shpreh në një intervistë për “’Sevenbizz”:
Ai shkoi në hotel për të fjetur gjumë. Kishte zënë një dhomë tjetër, i ndërruan dhomën. Shkuan futën armën e mbështjellë me peshqir dhe e lanë në dollap. Ai ka fjetur gjithmonë në dhomën numër 3, ata i sugjeruan një dhomë tjetër.”
Sa i përket vajzës, babai i reperit thotë se ishte një fanse që donte të bënte fotografi.
Ai vazhdon më tej:
Në momentin që një fanse ka thënë dua të bëj një fotografi, as dy minuta, ka hyrë policia. Vajza ka qenë e ulur në karrige.”
Ndërsa, për të fejuarën e Stresit, Keisin, babai i reperit thotë se ajo e ka marrë situatën me sportivitet dhe në asnjë sekondë nuk është ndarë nga ai.
Sali Lushaj thekson se i biri, Stresi është i pafajshëm dhe se ndihet krenar për të.
