Nata e mbrëmshme ka qenë një natë paniku për banorët e ishullit Zakynthos në Greqi. Një tërmet me magnitudë 6.8 i shkallës rihter, me epiqendër disa kilometra larg Greqisë në detin Jon ka shkaktuar dëme të konsiderueshme materiale.
Siç raporton “Zougla.gr’, nga lëkundja e fuqishme është ndarë më dysh hapësira tokash pranë porteve, janë dëmtuar banesa dhe biznese, ndërsa nga frika e një goditje të radhës ditën e sotme janë mbyllur të gjitha shkollat dhe qendrat e tjera të edukimit të fëmijëve.
Më poshtë, ju sjellim pamje nga situata aktuale në ishullin Zakynthos sot në mëngjes, disa orë pas goditjeve të njëpasnjëshme të tërmetit.
