Një shqiptar i lindur në Tiranë ka ndërruar jetë në mënyrë misterioze dhe krejt papritur. Klidian Vladimir Jonuzi, lindur me 30.06.1992 në qytetin e Tiranës raportohet se ka ndërruar jetë këtë javë në Metz të Francës.
Ai qëndronte për rreth 1 viti e gjysëm në azil duke punuar si vullnetar, teksa gjithë ata që e njohin shprehen se ai nuk ishte konfliktual dhe ishte shumë i sjellshëm.
Sipas burimeve, ai ka telefonuar familjen e tij në Shqipëri në 17 tetor duke mos lënë asgjë të dyshimtë në bisedë.
Një ditë më vonë, në 18 tetor e motra e Klidianit i dërgon mesazh të dashures se Klidianit për ta pyetur se përse ai nuk kishte shkruar gjatë gjithë ditës, në atë moment ishte e dashura e tij Marie Klein e cila i njoftoi për humbjen e tij.
“Ngushëllimet e mia, Klidiani ka ndërruar jetë”, shkruante ajo pa e sqaruar sesi ndodhi. Ndërkohë familja e shokuar ende nga ky lajm i papritur bën një apel për ta ndihmuar të rikthejnë trupin e pajetë në vendlindje:
”Ju lutemi që me sa të mundeni të gjithë shqiptarët të na ndihmojnë financiarisht me sa të munden duke menduar si nëna, baballare, motra apo vëllezër të kontribuoni sado pak që trupi i tij i pajetë të vij në Shqipëri sepse shuma që na nevojitet është e papërballueshme.
Me respekt dhe dhimbje familja Jonuzi.
Ju shpreh ngushllimet e mia të sinqerta familjes Jonuzi”.
*Informacionet të marra nga Leon Molla, gazetar, i cili ka publikuar më herët dhe historinë e Florenc Beqirajt, të riut nga Shkodra që humbi jetën në Francë.
