Një ndodhi e pazakontë ka ndodhur javën e kaluar, para hapjes për publikun të një kopshti zoologjik në Indianapolis, në Shtetet e Bashkuara.
Një luaneshë 12-vjeçare ka sulmuar të atin e këlyshëve të saj në kafaz. Si pasojë e lëndimeve në qaftë, luani ka ndodhur.
Craig Packer, hetuesi kryesor në Lion Centre të Universitetit të Minesotës, i tha Washington Post se ngordhja e Nyack (luanit) mund të lidhej me “marrëdhënien e pazakontë” të tij me Zurin (luaneshës).
“Ajo me sa duket e dominonte atë për aq kohë sa ata ishin së bashku”, tha Packer, i cili ka studiuar luanët. “Kjo në vetvete është pothuajse e panjohur.”
Ai shtoi: “Unë kurrë nuk kam dëgjuar për një femër dominante ndaj një mashkulli”.
Për tetë vjet, Nyack dhe Zuri raportohet jetuan së bashku pa incidente.
Në një postim në Facebook, kopshti zoologjik njoftoi ngordhjen e Nyack të premten, duke shkruar se do të kryejë një “shqyrtim të plotë për të kuptuar se çfarë mund të ketë çuar në këtë ngjarje”.
Zuri dhe tre këlyshët e saj, njëri prej të cilëve ishte i pranishëm gjatë betejës fatale, janë të gjitha në rregull, thuhet në postim.
