Mbrojtësi i Leicester dhe kombëtares angleze Harry Maguiere ishte ëndrra e parealizuar e trajnerit Jose Mourinho në merkaton e verës, që e kërkoi me ngulm 25-vjeçarin për të luajtur me Manchester United këtë sezon.
Edhe pse oferta ishte e mirë dhe në disa raste u përfol se ky transferim ishte shumë pranë konkretizimit, lojtari mbeti te Leicester. Madje në 8 ndeshje Maguire ka realizuar 2 gola, duke konfirmuar aftësitë e tij si një mbrojtës goleador.
Por lojtari shprehet se në rast se në janar do të ketë një tjetër ofertë nga Manchester United nuk do ta refuzojë, por do të shkojë të luajë për ekipin e trajnerit Jose Mourinho. “Do të jetë e vështirë për mua të refuzoj një tjetër ofertë në janar. Unë jam një lojtar ambicioz, në të kundërt do të kisha ndryshuar sport. Të gjithë duan të luajnë me ekipet më të mira dhe është e qartë që ëndrra ime është të luaj në Champions League”, tha Maguire.